چريمة عشق بقلم مريم ناصر
المحتويات
انا متشكره جدا لحضرتك.. ثواني اجيب شنطتي من جوه..
فارس اتفضلي
رودي دخلت الفيلا بسرعه.. واخدت شنطتها وسلمت على.. مريم وآدم. وآدم صمم انه يوصلها هو ورينو. لكن هي قالتله انها كانت هتركب اوبر.. لكن الاستاذ فارس عرض عليها يوصلها.. وباركت للموجودين.. وراحت ل رينو.. وقالتلها ان فارس عرض عليها يوصلها..
رينو ابتسمت ل رودي وقالتلها خلي بالك من نفسك. وكلميني اول ما توصلي..
وركب وسالها على العنوان.. وقالتله.. وفارس هيوصلها.. واتحرك بالعربيه ومشيوا..
اما زين ريتال تحب اوصلك دلوقتى
ريتال يا ريت يازين..
زين قام استاذن. من والده
زين هز راسه ما تقلقش يا حاج واخد ريتال بعد ما سلمت على كل الموجودين علشان يوصلها
بقلمى Mariem Nasar
فهد دخل وكانت عينيه حمرا من الغيظ والغيره. لانه تخيل ان رينو رقصت. وهو مرضيش يدخل علشان لو كان شافها. كان ممكن يتصرف پغضب.. وكل ما يتخيل ده. دماغه ھتنفجر. لكن صمم انه يسيبها براحتها علشان يتعود على بعدها..
آدم بقلق. لما شاف شكل فهد.. انت كويس يا فهد !!!
فهد انا كويس يا عمي.
مريم فهد يا حبيبي انت متأكد.
فهد ما تقلقوش انا كويس. انا بس منمتش من امبارح. واتعدل وما بصش على رينو ومشي..
اما مراد يلا يا فريحه علشان اوصلك
فريحه اوكي يلا .
. مراد استاذن بابا. انا هاوصل فريحه..
. مراد فهم قصد ابوه.. انه ما يتجرأش. مش معنى انه كتب الكتاب.. انه يتجرأ. مع فريحه..
ومراد اخد فريحه علشان يوصلها .
محمد قام طيب يا نور انا هامشي..
نور متوتره.. احم. بالسرعه دي..
محمد معلش يا حبيبتي. وعلى فكره انا هستناكي بكره في المستشفى
نور هو في بكره عمليه..
نور احم. حاضر. إن شاء الله.
محمد راح عند مريم وسلم عليها. وسلم على آدم.. واستاذنهم ومشي..
رينو قامت وحضنت نور وباركتلها.. وسلمت على مامتها وباباها واستاذنتهم علشان تطلع تصلى وتنام وكانت الضحكه على وشها. وآدم ومريم. استريحو. لما شافو ضحكتها..
بقلمى Mariem Nasar
نور قاعده مع آدم ومريم. وحضنتهم بحب..وبعدها استاذنت وطلعت بسرعه علشان تصلي.. وكانت مبسوطه جدا.. وعايزه تخلص كل حاجه. علشان تتصل على محمد..
زين وصل ريتال. اخيرا وحاول ما يوترهاش. لانها كانت ھتموت. زين قال. واحده واحده..ريتال هتكون افضل..وسمع كلام آدم. وحافظ على الامانه.
.اما فارس وصل رودي بعد ما اتكلمو شويه مع بعض
محمد ماشي فرحان. وكان مبسوط جدا. وحاسس انه طاير من الفرحه..
مرادبيوصل فريحه
مراد مبروك يا فريحتى..
فريحه بخجل. الله يبارك فيك يا مرادى
مراد مالك مكسوفه كده ليه.
فريحه بصراحه. مش مصدقه اني خلاص بقيت مراتك.. يعني لحد النهارده الصبح كنت حبيبتك وبس.. بعدها فجاه بقيت حبيبتك وخطيبتك ومراتك.. انا مبسوطه قوي..
مراد ركن العربيه.. وانا عايزك كده تبقى مبسوطه على طول. ومسك ايديها.
وفريحه قلبها دق بسرعه.
مراد عارفه اول ماكتبنا الكتاب. كنت عايز اخدك فى حضنى وابوسك قدام كل الموجودين.
فريحه بتسمع كلام مراد وقلبها بيدق اكتر.
مراد برقه باس ايد فريحه الل مغمضه عينيها
. ومراد خلاص الاول مكنش بيستحمل قرب فريحه وهي حبيبته.. دلوقتي بقت مراته. فريحه وهمس ف ودنها انا بحبك..
فريحه بتتنفس بصعوبه وحاسه انها ھتموت. واتفاجت. ب مراد الل باسها من شفايفها بوسه رقيقه جدا وحست انها هتغيب عن الوعي.
واخيرا مراد بعد عنها. وشاف فريحه ھتموت ووشها جمرة ڼار. وحب يطمنها. واخدها ف حضنه ومسد على حجابها. وفريحه مسكت ف جاكت مراد لحد ماهديت. وشافت مراد حنين.. فى مراد المچنون
وبعد فتره مراد. انتى كويسه. فريحه هزة راسها بايوه
مراد باس كف ايديها. مبروك يافريحت قلبى.
فريحه. مبروك عليا مرادى.
مراد اتحرك بالعربيه ووصل فريحه لحد باب الفيلا.
وطبعا. مراد روح. وكالعاده هيكلم فريحه. وفعلا اتصل عليها وكلمها.
يوسف وصل مريم. وروح واستناها علشان يكلمها ع الفون قبل ماينام. ومريم اتصلت.. ويوسف كنسل واتصل عليها وبيتكلمو..
وزين وصل ريتال. وقالها صلى وقبل متنامى هكلمك وريتال حبت ده جدآ وكانت مبسوطه. وزين روح ومنتظر رساله من ريتال علشان يكلمها. وفعلا ريتال بعتتله رساله ع الواتساب. وزين كلمها.
مالك روح واتصل على ساره. الل شافت الرساله وحاسه انها متلخبطه اول ماشافتها وقلبها دق..وسوزى سألتها ايه الرساله دى. ساره خبت عليها. وقالتلها رساله من الشركه. وساره استغربت نفسها. هي خبت ليه..
ساره. قاعده على السرير. وفاتحه اللاب. واول ماشافت رقم مالك ردت ع طول واتكلمو. وكان مالك مبسوط وطلب منها ميعاد ياقابلها بكره.. وهي لا اراديآ وافقت
فارس وصل رودى وشكرته جدا. ورودى المجنونه قالتله ماتمشيش غير لما اطلع واشاورلك من البلكون. وفارس ضحك عليها.. وفعلا استناها وطلعت فوق وخرجت البلكوت وشاورلته. وفارس كان مبسوط وشاورلها ومشى. وردى كانت فرحانه جدا.
بقلمى Mariem Nasar
محمد روح واخد شاور وصلى. واتصل على نورو. مراته..مستناش هي تتصل وردت عليه. واتكلمو كتير ومحسوش بالوقت. وكان محمد حاسس انه ابن ال٢٠ سنه وصمم أن نور تروحله بكره ع المستشفى. لان في عمليه كبيره جدا. وقالها انا هاجى اخدك. من الفيلا واتكلمو. لحد مانامو الاتنين. وهما ع الفون
اما فهد خرج من عند آدم. وركب العربيه. وبيلف بيها فى كل مكان. ومخڼوق . من كل حاجه. رينو جميله. جميله قوي. وكمان بيغير عليها. وكان مراقب كل تصرفاتها. وبيفكر هيدارى الغيره دي ازاى. هيعمل ايه بعد كدا. وقال أنا جرحتها. انا عارف هي فهمت انها ۏجع دماغ ليا. وانها متستاهلش حبى. وان شغلى ومستقبلى أهم منها.. وبص بجمود ايوه هي ۏجع دماغ فعلا. ولازم اتعالج منها. وشغل العربيه من تانى. واتحرك.
وكان بيسمع. بحاول انساكى. لرامى جمال
.وحياة الوحدة اللي انا فيها.. والحزن العايش جوايا
و الناس اللي اتظلموا معايا.. وانا ياما بحاول انساكي
وحياة الفرحة اللي ناسيها.. والهم اللي استولى عليا
و الذكرى اللي بتوجع فيا.. هتلف الدنيا وهلقاكي
يتبع.
آدم صحى الصبح. ولبس وجهز نفسه. ومريم نزلت علشان تجهزله قهوته. وآدم نزل وكان الكل موجود على الفطار..
آدم صباح الخير..
الكل صباح الخير..
مريم صباح الفل. على اجمل عيون في الدنيا اتفضل يا حبيبي قهوتك..
آدم ابتسم. تسلم ايدك يا حبيبتي. تعبتك.
مريم تعيش وتتعبني يا روح قلبي
..والكل منسجم من حاله العشق اللي قدامهم.
مراد ايه يا مريوم..فين قهوتي!
مريم داده سعاد. بتعملهالك
مراد بمكر. تؤ. ما بتبقاش حلوه. انا عايزها من ايديكي الحلوين دول..
آدم بص لعدوه اللدود بغيظ.. ليه يا روح امك.. تعملهالك ليه.. مش عجباك قهوه سعاد.. قوم انت واعمل لنفسك..
مراد الله يا حاج وفيها ايه يعني.. لما مريوم تعملي القهوه..
آدم فيها اللي فيها بقى.. ده انت عيل غتتت..
مراد بس انا عايز مريوم تعملي القهوه..
آدم يابني ما تبقاش رخم على الصبح. وبص ل مريم.. ما تعمليش حاجه للواد ده فاهمه
مريم ساكته وكتمه الضحكه.
مراد ازاي يعني يا حاج ما تعمليش حاجه.. ده انا بفكر اخليها تعملي صينيه بسبوسه كده.. ولا ايه رايك يا مريوم تعمليلي كيكة الفراوله.. ايوه. ايوه. انا وفريحه بنحبها قوي. وكمان ما حدش بيعرف يعملها زيك.. خلاص افطري وقومي بسرعه كده اعمليها يا مريوم اوكي
آدم صك على اسنانه.. انت ابن كلب ليه يالا انت هي امك هتخدمك والمحروسه هتاكلها على حساب صحه مراتي.. انت ياض عبيط ولا بتمثل العبط.. ولا مش علشان كتبت الكتاب لا اقسم بالله افلقك نصين.. وكمل بتريقه.. صينيه كيكه بالفراوله.. عيل ثقيل.. وكلهم كاتمين الضحكه..
مريم قامت. بس يا مراد. ابعد عن آدم حبيبي. مالكش دعوه بيه.. وقربت من آدم. خلاص يا روحي. خلاص يا آدم متزعلش نفسك يا قلبي. وبتدلعه قدامهم..
آدم اتنرفز وبصلها.. فين الببرونه..
.مراد ضحك بصوت كله. ورينو كمان. اما. نور. وزين مش فاهمين..
مريم ببرونه.!! ببرونه ليه ولمين ! هو عندنا اطفال هنا
آدم ايوه انا. وقلدها. بس يا مراد ابعد عن ابوك.. مالكش دعوه بيه. وخلاص ما تزعلش. هاتي يلا الببرونه علشان مزعلش.. وممكن اعيط كمان..
كلهم ضحكو ومش قادرين.. ومريم حضنت. آدم من الخلف. وهو قاعد على الكرسي. وقلبها مبسوط ومش قادره تبطل ضحك.. ومن كتر ضحك الكل.. آدم ضحك هو كمان بعدها بشويه خلصو فطار.
آدم زين..
زين نعم يا حاج.
آدم وصل رينو على المدرسه. وحصلني على الشركه الأم.
زين حاضر ياحاج..
آدم وانت يا بجح يا جبله..
مراد اؤمرني.
آدم وصل نور على الجامعه.
مراد من عيني يا حاج..
نور لا. يا بابي. انا ورايا محاضره على الساعه ٢.. وفي عمليه النهارده في المستشفى. ومحمد هايجيلى. ياخدني على الساعه ١١.
آدم هز راسه اوكي يا روحي..
.وانت يا مراد هتروح فين حضرتك..
مراد هوصل فريحه على المزرعه. وبعدها اطلع على الجيم..
آدم وصل فريحه. وتعالى على الشركه الأم في اجتماع مهم. مع بيتر وطارق وكمان مالك هيكون موجود.. علشان انت عارف الشركه الأم. دي شړاكه ما بيني وبين طارق وملك.. وتعال علشان تتعلم وتاخد خلفيه عن كل حاجه.. انت الكبير وهتبقى في ضهر اخوك زين..
مراد ربنا يخليك لنا ياحاج. حاضر هوصل فريحه واجيلك على الشركه
آدم تمام. الاجتماع. الساعه ٣. وقام وسلم على اميرته وباسها قدامهم. وودع الكل. وراح على الشركه..
زين يلا يا رينو.
رينو حاضر. ياابيه.. وودعو مريم. وخرجو.
. مراد سلم على مريم. علشان يوصل فريحه. وودعها وخرج.
ونور. قعدت مع مريم. لحد ما محمد. يتصل عليها وتجهز..
نور مامى
مريم نعم يقلبى.
نور عايزه اقولك على حاجه واخد رائيك.
مريم تعالي اقعدي جمبي تعالي. قولي يا قلبي عايزه ايه..
نور هو بصراحه. يامامى في بنت صحبتي فى الجامعه.. اسمها نرمين. وحالتها يعني مش قوي..
. ومن فتره فونها اتكسر منها.. وانا باتكلم معاها وعدتها اني اجيبلها فون. لان ظروفها متسمحش انها تشترى حاجه.. وبصراحه مش عارفه اجيبلها فون.. ولا اديلها فلوس الفون. وهي تشتري براحتها اللي هي عايزاه..
مريم لا يا حبيبتي. انتي اشتريلها الفون زي ما وعدتيها. وغلفيه حلو كده وقدميه ليها كهديه
اما لو اديتلها فلوس.. ممكن تفتكر انك بتقدميلها صدقه. أو بتساعديها. ونفسها تتكسر. وتزعل من جواها.
نور يعني انتي شايفه كده يا مامي..
مريم طبعا يا حبيبتي. انتي مثلا لو عايزه تساعديها.. ساعديها بس بطريقه غير مباشره. يعني مثلا هتشتريلك كتب. اشتريلها معاكي وقوليلها
متابعة القراءة
