چريمة عشق بقلم مريم ناصر
المحتويات
هتصلح تكون زوجه لأولاده. وقرر أنه يتكلم مع محمد لانها قريبه منهم. ويعرف رائيها. علشان يتقدم ليها رسمى. ولكن حصل العكس. وسمع من نرمين فى اللاوعي نص الحقيقه. وقرر أنه يصرف نظر عن جوزاه من نرمين. لكن قلبه موجوع. ومجروح لكن حاول يسيطر على نفسه لانه كدا حب من طرف واحد. وهي ليها حياتها. وهيعالجها. لان ده واجبه وهيحاول ينساها. ووصل عند نرمين. وشاف والدتها وأخوها. وقاعدين بيبكو على حالت نرمين. وبدء يعالج نرمين الل مانعه الكلام ورافضه تتعالج. لكن مروان بطريقته وبحكم شغله فى الطب النفسي
.اما مالك بعد كتب الكتاب. كل يوم ياخد ساره ويخرجها ويتغدو بره. ويحاول ينسيها الل هي شافته وكمان قالها تختار ديكور الجناح بتاعهم في فيلا الصاوي. واتفقو أنهم يسافرو شهر العسل في لندن. وخلاص جهزو كل حاجه. وكل مستلزمات ساره. آدم اتكفل بيها. رغم أنه جاسر رفض لكن آدم صمم وفعلا اتكفل ب بمستلزمات ساره. وجاسر قدم شقه ل مالك هديه يتجوز فيها. ولو حب يرجع الفيلا هو هيكون مبسوط.. ومالك وساره حجزو الفستان. والقاعه. كل حاجه بينهم تمام. وانهردا فرحهم. وساره مبسوطه انها اخيرا لقت امانها
يوسف ومريم من اخر مره زعلو مع بعض واتصالحو. قررو أنهم ميزعلوش من بعض تانى ويحلو أمورهم بالتفاهم. ومريم منتظره انها تحمل بفارغ الصبر. وعيزا تفرح يوسف وتعمل عيله..
.اما مراد. تانى يوم كتب كتاب مالك.
اتكلم مع مريم. علشان فريحه نفسها فى الكوراع. ومريم ضحكت على ابنها القرفان حتى من اسمها. وقالها ابوس ايدك اتصرفى علشان انا حاسس بدوخه كل ما افتكر أن فريحه هتاكل الاكله دي.
..مريم ضحكت وقالتله متقلقش. بما أن سعاد بتعمل عمره ومش موجوده.. انا هخلى زوزو تتصرف. ومريم قالت ل زوزو. وعملت الكوارع والممبار ل فريحه. وجه وقت الغدا. وآدم رجع من شغله هو وزين وريتال. وفهد جه لان مراد كان عايزه. واغلبهم قعدو على السفره. والأكل جهز. مريم قالت لمراد تعالى علشان الغدا جهز.
مراد قاعد فى الليفنج وقالها لااا هتغدى انا وفهد بعد الليله دى ماتخلص. روحي انتى ل آدم وربنا يسترها عليكى.
.وآدم غسل ايديه ورايح يقعد على السفره. ومريم متوتره وخاېفه من رد فعل آدم لما يشوف وسط الاكل ده كوراع وممبار.
فريحه هجمت على السفره. وآدم قعد وشاف الاكل..
آدم اييه ده !
مريم بلعت ريقها. دااا. دى. فريحه اتوحمت على كوارع وممبار. وغمضت عينيها لانه المتوقع انه هيزعق. ويقول كانت تاكل فى اوضتها.
آدم امممم ريحتها حلوه. تعالى يابت يافريحه. اقعدى جمبى هنا. وهاتى الفته دى.
فريحه فرحت. بجد يابابا. هتاكل معايه.
آدم ايوووه دا انا نفسي فيها من زمان.
مريم فتحت بوقها. انت بتحب الكوارع يا آدم.
آدم انا من عشاق فته الكوارع.. ياما اكلتها انا والواد طارق وبيتر.. وبصلها. الإهتمام مابيطلش ياروحي. وبدء ياكل.
مريم كشرت عينيها. وبعدها اتنهدت براحه أنه مزعقش.
فريحه بتاكل بنهم. امممم الله. اللللله. وعلت صوتها تسلم ايدك يازوزووو.
وزين وريتال بياكلو من الاكل التانى وبيضحكو عليهم.
مراد بص عليهم من الليفنج وعمل ريأكشن بوشه وقال اووع. وفهد ضحك عليه.
. رينو نازله من على السلم. وشافت فهد. وفرحت اوى. وراحت سلمت على مراد واستغربت شكله.. وسلمت على وفهد.
مريم تعالى يارينو اتغدى.
رينو حاضر يامامي. وراحت تقعد وفهد متابعها.
رينو بتقعد اذيك يا بابي. واستغربت شكل فريحه وهي بتاكل. وكمان آدم. وحست بإحساس مقزز. احم انتو بتعملو ايه.
آدم بياكل. انا مش فاضي دلوقتي كلمينى بعد الغدا..
رينو بصت ل مريم الل حطه ايديها على خدها ومبتسمه ومبسوطه ب آدم وهو بياكل. ورينو مش فاهمه حاجه. ولسه بتمسك المعلقه.
فريحه امممم الله تعالى يابت يا رينو كلى معانا. شوية كوارع وممبار الله عليهم تعالى خدي الحته دي.
رينو قامت. اييه كوراع. وعملت ريأكشن كأنها بتاكل ليمون. وفهد متابع وكان ھيموت ضحك على لارين.
رينو معدتها قلبت قبل ماتاكل. وحطت ايديها على بوقها. وجريت على الحمام.
فريحه بصت ل آدم فرافير عيالك اوى يا آدم.
آدم بصلها. اومال انتى مفكراهم بهايم زي خلفة ابوكي.
..والكل م١ت ضحك عليهم ومراد وفهد. وكلهم.
لكن بعدها فهد كان قلقان على رينو.
فريحه مقبوله منك.. بس علشان انت ابو مراد. ماشى ياحج
آدم حبيبتي يافريحه. دا انتى دخلتى عليا انهاردة السعاده بالاكله دى. وبص ل مريم تاكلى.
مريم بصراحه انا بحبها. بس مش اوى مبعرفش اتعامل معاها.
آدم يسلام. وحد قالك اتعاملى. قربى جمبى تعالى. ومريم قعدت جمبه. وآدم بدء يااكلها.. والكل منسجم معاهم لانه بيغازلها مع كل معلقه.
فريحه بصت ل مراد. اتعلم من ابوك. ها.
مراد قرفان.. بس يابت واخلصى كلى بقى يبتاعة البهايم انتى.
رينو خرجت من الحمام. وفهد شافها جايه وشاف من شكلها انها رجعت. وابتسم ڠصب عنه. من شكلها وحركاتها.
رينو راحت قعدت جمب مراد. ااااه انت مستحملها ازاى كدا.
مراد زي ما جوزك فى المستقبل هيستحملك.
رينو وفهد.. كل عين عرفت طريقها واتقابلت في سؤال مهم. امتى !
. وبعد ما فريحه اكلت.. مراد وفهد ورينو اتغدو مع بعض وإحساس مختلف اثر قلب الفهد.
بعدها فريحه طلعت هي ومراد اوضتهم. مراد صمم أن فريحه تاخد شاور قبل ماتقعد. واخدت شاور. وخرجت. وبطريقت حبها ولهفتها على مرادها. مراد تاه في عشقها. وقرب منها بكل اشتياق واهتم بيها فتره الحمل وعدي الشهر على خير مع مراد وفريحه
أما محمد ونور. بعد كتب كتاب مالك.
رجعو على البيت ومخرجوش منه باقى الاسبوع. وكان عايشين في سعاده هما ال٤
وبعد الاسبوع رجعو الشغل. وعرفو بالل حصل مع نرمين. ونور زعلت علشانها جدا. وان نرمين رافضه تتكلم. وبعد كدا عاشو طول الشهر في سلام. بس نور رجعت زعلت تانى. لان نرمين استقالت. ونور اتصلت عليها ونرمين قالتلها انا كدا مستريحه.
لكن من ناحيه تانيه نور كانت مبسوطه. انها ساعدت ريتال. انها تتخطى المرحله دى. وانها تشوف حب زين ليها.
أما فهد ورينو. مبيتكلموش كتير بحكم جو العيله. رينو بيجلها رسايل من رقم غريب وفكرت أنه ممكن يكون فهد. بس قالت لا دي مش اخلاق فهد. وسجلت الرقم باسم الفاشل. لكن كل تفكيرها في الفهد. وبتلبس الساعه والسلسلة ديما. وحبتهم جدا..
عوده للوقت الحالي.
.. انهردا فرح مالك وساره.
مالك اخد ساره ووصلها السنتر. وطلعها فوق. والبنات كلها راحت السنتر ماعدا ماليكه. كل واحد وصل مراته للسنتر. ومراد اخد رينو معاه. وهو بيوصل فريحه. وكلهم سلمو على بعض. وبدؤ أنهم يجهزو نفسهم..
ومالك خرج من السنتر وراح علشان يجهز نفسه وكان قلبه بيرقص من السعاده.
هشام. كان واقف بعيد عن الفيلا. وشاف رينو وهي راكبه مع مراد. وقلبه دق لما شافها. لكن خاف من هيئة مراد. وهيبته. لكن قلبه قاله لازم تتكلم معاها. وركب العربيه ومشي وراهم وعرف أنهم فى السنتر اكيد في فرح انهردا. وشاف انها فرصه مناسبه. وفضل واقف بره
متابعة القراءة
