چريمة عشق بقلم مريم ناصر

وسلمت عليها كتير والاتنين عيطوا في حضڼ بعض. واغلب الحضور عيونهم دمعت.. آدم مدايق لان دموع مريم بتكوى قلبه..وكمان دموع نور. ولو بايديه يخلى بنته وأولاده فى حضنه العمر كله. وميبعدوش عنه.
.وبعدها. محمد اخد مريم كلها في حضنه.. وباس راسها .ومسد على حجابها
مريم مبروك يا نور عيني..
محمد حبيبتي الله يبارك فيكي. اهدى بقى بټعيطي ليه..
مريم انا فرحانه قوي يا محمد .. فرحانه ان ربنا استجاب لدعواتى وريح قلبك..
محمد باس ايديها.. ربنا ما يحرمني منك يا حماتي. وابتسم.
مريم وسط دموعها ابتسمت. انا مريم وبس فاهم..
محمد احلى مريم..
مريم تسلملي يا رب .
محمد راح عند شيرين. أمى وحبيبتي وروح قلبى. وباس ايديها الإتنين..
شيرين حضتنه بدموع حبيبى. ونبض قلبى. مبروك ياروحي. انا الفرحه مش سيعانى يا محمد.
محمد ڠصب عنه عيونه لمعت بالدموع ايه ياشيرى. انتى تزعلى تعيطى. تفرحي تعيطى..ومسح دموعها. دموعك دى غاليه اوى. علشان خاطرى متعيطيش.
شيرين مش قادره. توقف عياط. ومصطفي جه وضمھا ليه بحب. وحاول يهديها. لانهم أخيرا. محمد فرح قلبهم. وأخيرا هديت وضحكت. ومحمد إبتسم لما شاف ضحكتها..
.وبعدها. راحوا كلهم يسلموا على آدم زين وريتال. ومراد وفريحه. ومحمد ونور
.ولكن السلام اللي اثر في آدم سلامه ل نور.. لانها هتخرج من البيت اللي اتربت وعاشت فيه. وادم برده ڠصب عنه دمعه نزلت منه ونور عيطت فى حضنه. وآدم مسبهاش غير لما هديت.. وسلم على محمد بعدها وقاله مبروك عليك نور 
.. وبعدها زين وريتال سلموا على كل العيله. ومصطفى وشيرين وأشرف وهنا..
.اما مراد وفريحه. سلموا على طارق ورنا.. وكل العيله بعدهم 
. فارس قام بفرحه وحضن فريحه وباركلها. بارك ل توامه. وكانت رودي واقفه وراها هي ورينو.. وردى كان وشها احمر جدا. ومكسوفه وفارس ڠصب عنه عينيه كانت عليها ومش مصدق ان رودي مكسوفه.. لانه سمعها وهي بتتمنى تبوسه وابتسم.. وبعدها فاق على صوت مراد.. ما خلاص يا وحش هتنام في حضنها سلم وزوق عجلك يلا..
فهد اخيرا..خرج من صمته..وقرب من فريحه حبيبته.. وسلم عليها وباركلها.
.وفريحه في حضنه كانت رينو وراها بالضبط.. وفهد عينيه على رينو.
.ورينو رفعت عينيها في عين فهد..وتقابلو في نظره لثواني..ولكن كانت نظرة اشتياق ممزوج بأسف وعتاب. وبعدها اتقلبت.. بنظره كبرياء من الطرفين ورينو نزلت عينيها بسرعه..وتكلمت مع رودي..كأن فهد مش شايفاه..
فهد مبروك يا فريحه..
فريحه الله يبارك فيك يا فهد 
 فهد مبروك يا مراد. الف مبروك.
مراد الله يبارك فيك.. عقبالك يا فهد.. ورينو رفعت عينيها تانى وكان فهد باصصلها من قبل. وحب يتكلم وهو باصص فى عينيها.
فهد لا انا بعدت عن ۏجع الدماغ ده
رينو اټصدمت اول ما سمعت..وفضلت بصه في عنيه ومعملتش اى رد فعل علشان مايشوفش ضعفها 
مراد مش فاهم هو حد يكره يبنى انه يحب ويتجوز.! وخصوصا لو جواز عن حب يبقى.. مش ۏجع دماغ.
فهد عينه في عين رينو. مفيش واحده تستاهل انى احبها..انا صرفت نظر جواز ايه..
.وۏجع دماغ ايه مستقبلي وشغلى اهم. من الكلام الفارغ ده..
رينو سمعت كلامه. واتاثرت من جواها.. ولكن حاولت ماتبينش إنها اتوجعت وزعلت من.. كلامه واتخنقت. ونزلت عينيها قبل ماتضعف 
رينو رودي تعالى نتمشى شويه في الجنينه..
رودي كانت محتاجه تهرب من عيون فارس. اوكي تعالي.
رينو من غير ما تبص لفهد اللي مراقبها وعيونه عليها وكان عايز يشوف رد فعلها. اخدت رودي.. وعدت من جمبه بابتسامه ورافعه راسها بكبرياء. كأنها بتقوله انا اللي رفضت حبك.. ومشيت..
فهد فهم وسكت
يوسف راح لجدو. جدو
مصطفى نعم يا حبيب جدك
يوسف انا بافكر اني اكتب كتابي قبل رمضان..
مصطفى الله ايه اللي جرى للعيال دى.
يوسف ارجوك يا جدو وافق. وكلم عمي حسام ونكتب الكتاب واتجوز مع عمى محمد.
مصطفى والله يابني !! انا مش عارف اقولك ايه.. ودراستك.
يوسف وافق علشان خاطري. بالله عليك يا جدو.. وكلم عمى حسام وبابا. ولو عم حسام وافق. وانا متأكد انه هيوافق. يومين كده ونكتب الكتاب.. وما تشغلش بالك بدراستي..
.. وبعد محاولات من يوسف.. وزن كثير على مصطفى.. اخيرا مصطفى وافق..وقاله انه هيروح بكره ل حسام هو وأشرف. وشيرين. وهنا. ويتكلموا ويحددوا كتب الكتاب..ويوسف قام بفرحه حضڼ جده. وباس على ايده ومشي وراح يفرح مريم..
مصطفى الله هي العيال دي مستعجله على ايه..
.طبعا مراد وفريحه. واقفين مع العيله. ومراد جواه نفسه ياخد فريحه في حضنه. لانها خلاص بقت مراته شرعا.. وفريحه واقفه جمبه.. ومش مصدقه. من انها كانت حبيبته.. وفي لحظه..بقت مراته وفرحتها كانت مضاعفه
. اما زين كان مبسوط جدا..وقاعد هو وريتال في وسط العيله.. والكل بيبارك ويهني..والميوزك شغال..
محمد واقف وجمبه نور اللي شايفها متوتره.. هو عايز يطمنها..لكن العيله كلها موجوده.. وهو بيعتبر نور دي بنته قبل ما تكون حبيبته.. ودلوقتي مراته..ومش عايز يوترها اكتر ونفسه انه ياخدها في حضنه..ويشيلها ويلف بيها ويقولها.. انا امانك ماتخافيش..
. ونور اللي واقفه جمب محمد.. ومكسوفه ومحرجه.. وبتفكر انه شهر بالضبط وهتبقى مع محمد لوحدهم وخلاص نور بقت مرات محمد ووشها عباره عن كتله طماطم. وده زاد من حسنها
مالك مبسوط ليهم وفرفش الجو هو وفارس ويوسف ومريم..وداد اسعاد ملت الفيلا زغاريط..
آدم.. قاعد ومحاوط مريم من كتفها.. وجواه مبسوط قوي.. لانه شايف الفرحه على وش اولاده لكن عنده احساس.. ان رينو بتمثل انها مبسوطه..وهيحاول يعرف مالها..
.طارق ورنا.. مبسوطين طبعا وكلهم قاعدين والضحكه ما بتفارقهمش من طارق المچنون...والكل قاعد مبسوط..
.لكن فهد قاعد مابيتكلمش..وسابهم وخرج على الجنينه..واتمشى لوحده فيها..وشاف رينو مع رودي.. وكانت المسافه كبيره..فهد وقف وتابع رينو من بعيد..وشايف رودي بس هي اللي بتتكلم وتتحرك.. ورينو قاعده ما بتعملش حاجه ولان الدنيا ليل. حاول يقرب شويه واتمشى فعلا. لحد ماوقف في مكان قريب.. وسمع رودي وهي بتحكي لرينو عن فارس.. والموقف اللي اتحطت فيه.. وانها محرجه جدا.. لكن رينو من عينيها واضح انها مش مع رودي خالص..رودي جالها مكالمه وكان باباها وبعدت عن رينو شويه.. علشان تتكلم
فهد بص على رينو وشاف وشها اللي محروم منه من فتره.. لكن وشها حزين..
رينو وهي قاعده جمب رودي.. بتفكر في كلام فهد. وماحستش برودي اللي مشيت.. وإن فهد.. بعد عن ۏجع الدماغ.. وانها كده بالنسبه لفهد كانت ۏجع دماغ. وكمان ماتستاهلش حبه ليها طبعا اي بنت بتنسي اللي هي عملته. واي كلمه سلبيه من حبيبها بتأثر فيها.. ورينو عيونها دمعت.. لانها مكانتش تقصد تهين فهد.. هي اتصرفت في لحظه ڠضب.. وانها لسه صغيره.. وكمان ثقة اهلها فيها كبيره.. وان ما فيش ولد يتجرأ يقرب من بنات العدوي.. لكن فهد .. فهد يجي ويبوسها..
رينو سرحانه وفهد متابعها.. رينو جواها انا ماكنتش اقصد يا فهد.. انى اقول انك مش راجل بالعكس انت كل سيمات الرجوله فيك.. والغيره اللي وحشتني منك يا فهد..انت محترمتنيش.. لو بتحبني كنت تخاف من زعلي وردة فعلي على عملتك دي انت غلطت يا فهد.. وانا كمان غلطت. لكن انت ماحاولتش تقرب تاني.. واخرتها ايه.. انك استريحت من ۏجع الدماغ.. انا بالنسبه ليك ۏجع دماغي يا فهد..! وكمان مستاهلش حبك !.انا هريحك من ۏجع الدماغ يا فهد وغمضت عينيها ودمعه نزلت منها.. وفتحت عينيها.. ورينو شافت. ضوء بيلمع جبها ولفت ولمحت فهد والضوء ده من ساعته كان عاكس جمبها من الاضاءه. واتوترت ولكن بتفكير..عملت نفسها مش شايفاه.. وفضلت قاعده وكان قلبها بيدق لكن بزعل.. وحاولت تثبتله العكس. وان كانت هي بالنسباله ۏجع دماغ.. فهو مش هيكون في دماغها اصلا.. رودي جت عليها.
رينو كنتى فين..
رودى سلامتك يارينو. انا قولتلك بابى بيتصل. وكلمته وقالى انه هيتاخر عليا..
رينو وقفت باقولك ايه يا رودي..
رودي ايه
رينو علت صوتها شويه. تعالى ندخل جوه ونفرفش شويه لابيه زين وريتال.. تعالى انا نفسي ارقص.. واخدتها من ايديها وكان فهد بيحاول يداري نفسه 
جمب شجره علشان ما تشوفهوش..
وفهد شاف رينو وهي بتضحك.. لا وكمان رايحه ترقص..والڼار شعلت. جواه.. وفضل واقف مكانه ومش عارف يفكر.. ولكن كل شويه يرجع لقرار..
البعد والفراق 
رينو دخلت وهي متوتره وبتدعي ان فهد ما يكونش شاف دموعها.. لكن جت اللحظه اللي هثبتلك انك مش في دماغي.. وحاولت تضحك وتداري اللي جواها.. لانها زي مامتها.. وقالت.. ايه يا ابيه زين.. مش هترقص. انهردا. في بيتنا ٣ مناسبات. وشغلو الميوزك. واخدت رودي معاها وزين. وفعلا رينو بتعمل فرق في اي مكان هي فيه.. والكل. بدأ. يضحك من تاني وكل.. كاپل واقفين جمب بعض.. ويسقفو ومبسوطين والحمد لله الليله عدت على خير 
الكل كان مبسوط ولكن الوقت عدى بسرعه 
حسام قام وقدم الهديه لاخته. وكان خاتم رقيق..وقدمه ل مريم الل فرحت بيها جدا. مهما كان حتى لو أخته مش محتاجه. لكن اى هديه من اخوها الكبير.. حتى لو صغيره بتفرق معاها جدا وحضتنه بحب وقالتله انها هتفضل لابساه فى ايديها على طول. وشكرهم على اليوم الجميل ده.. واستاذن واخد هدى ومشيوا. ويوسف هيوصل مريم..
بقلمى Mariem Nasar
.وبعدها..جاسر قام هو ملك ومليكه ومالك.. وسلموا على كل الموجودين.. وشكروا. آدم على العزومه واليوم الجميل ده.. وباركو ليهم ومشيوا..
. اشرف قام وراح قعد جمب رنا. وقدم لها هديه اسوره جميله. ولبسها ليها.. وكانت مبسوطه جدا ان اخوها جابلها هديه.. هي ايوه مش محتاجلها..
. لكن اي حاجه من الاخ الكبير بتسوي الدنيا وما فيها.. وكانت فرحانه جدا.. وحضنته بحب..
واشرف.. باركلها على.. كتب كتاب فريحه..
ورنا باركتله على خطوبه ريتال 
واشرف قام واخد هنا وكان عايز ياخد ريتال..
لكن.. حاول زين يقنع اشرف انه هيوصل ريتال..
واشرف. اخد هنا 
ومصطفى قام وبارك للجميع.. واخد وشيرين ومشيوا..
يوسف قام واخد مريم علشان يوصلها بالعربيه..
.وبعد كده طارق قام. وسلم على آدم وحضنه بحب.
. وباركله تانى.. على كتب كتاب نور ومراد وخطوبه زين.. وسلم على كل الموجودين 
وراح ل مراد وقاله متاخرش فريحه.. ومراد قاله انه هيحصله علشان ميأخرهاش 
طارق اخد رنا واستاذنو ومشيوا 
كده فاضل محمد ونور.. ومراد وفريحه . وزين وريتال وفهد ورينو وفارس ورودي 
فارس دخل وسلم عليهم وهو خارج شاف رودي واقفه لوحدها وقرب منها..
فارس انسه رودي 
رودي اتكسفت.. احم نعم..
فارس في حد هيوصلك..
رودي اتوترت.. وقالت بابي في الشركه وهيتاخر.. انا هاستنى لحد ماييجي.. او ممكن اخد تاكسي..
فارس تسمحيلي اوصلك 
رودي فتحت بقها ومش مصدقه.. لكن بطبيعه اي بنت.. هتخاف تركب مع اي حد 
رودي لا ميرسي.. انا هاطلب اوبر.. او هاخد تاكسي..
فارس مش هينفع الوقت أتأخر. وما ينفعش تركبي تاكسي لوحدك.. ويا ستي. اعتبري انك هتركبي تاكسي..
رودي مش عارفه ليه.. جواها مبسوط. وانها فرصه تتعرف على فارس.. هو محترم جدا 
رودي اوكي